الأصيلة
................
من حتتنا وقدام بتنا
هتشوف شمعه قول مصباح.
كل مكان يعتز بأهله.
وتفضل ذكرى جه أو راح.
وفى حتتنا رغم ضيقتها.
ناس خلتها واسعه براح.
اللهلوبه الحلوه صباح
اللى لا تهمد ولا ترتاح
داخله وخارجه رايحه وجايه
طالعه ونازله مسا وصباح
صاحيه ونايمه قاعده وقايمه
كل الحته تقول ياصباح
لما بتمشي قول بتطير
يبقى في حد قال ياصباح
شاطره اروبه كمان حبوبه
واللى يشوفها عنيه ترتاح.
ست أخواتها وكل الجيل.
ادب وضمير صاحى ومرتاح.
تشيل على رأسها وزن الفيل.
لما تجامل فى الافراح.
وكل كلامها بالتساهيل.
تلقا الهم فك وراح.
شايله هموم الكون فوق راسها
وكل هدفها الناس ترتاح.
لما تحب الورد تشمه.
تبقى الريحه الحلوه صباح.
واللى اتبعتر تيجى تلمه.
تلقي الايد الاولى صباح.
والمضايق من اللى يغمه.
فى وسط الأزمة يقول ياصباح.
وإن خصمولك لو في المترو.
يبقى سبب الخصم صباح.
ده الواد ينزل من بطن أمه.
لما يوأوأ يبقى صباح
*محمد وحيد*
ليست هناك تعليقات:
إرسال تعليق