كاريزما
كراسى الدنيا قلابة
حقيقى تملى غدارة
بتقلب كفة المظلوم
ويجى اليوم وتعلا بكفة الظالم..
نهارها بات ظلام كاحل
وغايب فيها تون«العدل»
وكل المسموعين فيها
توناتهم«يحيا نهج الظلم»
حياتهم حلوة ماشية شمال
بطعم جميل م مشى الكل
خيانة إثم خُبث وغل
وليل عاهر ولذع المر
سمع هوووووس..
تفاخر عزة بالاوجاع
ومين اقوى بحصاد الغل
ونهر جبان يضم العهر
انا خاين..انا منافق
انا برة ميزان العدل
انا خاين لأغلى الناس
انا غادر لنفسى كمان
وإيه يعني ؟ دا شئ ممتع اوى خالص.
نتوه عن نفسنا ونقسى..
نسيب مبادئنا فى اللفة..
وتاخدنا الحياة لفة لدون الارض..
ودا مشهد لناس تانية..
رافع ايدى بسيجارة..وكاس
وسوق المتعة كله اساس
تلاقى الشر ع الداير
تقيل جدا بوزن الماس.
تعالا قرب هنا جرب
تلاقى الشر متجرب
حياته ماليها لعب وتيه
وباين عنه انه البيه
تقيل جدا بوزن الماس
لكن فى الاصل ما ينداس
خسارة الجذمة تمشى عليه
بيعمل ايه ؟
داير نصاب..
شياكة ولمة كدابة
لزوم الشغل ف الغابة
وستات زيه ضمن الحاشية ملعوبة..
تدووب اثواب من العفة ع أجسامهم..
وهى بريئة م التوبة
داهسها البيه بربع جينه
وحافظ كل معالمها
دى شرطة عينها بنية
دى لعيبة وجينية
وضحكة رقيعة يا عنيا
يا عينى عليه
يا بخته البيه اللى هترافقه
دى متع الدنيا هيشوفها معاها بليل...
وناس يا حلاوة ع الطبلة
موسيقى وتونها يووووه مسموع..
تطبل دوم على الفاضية وعلى المليان
راجل وهمى عامل دادابان
دا شئ ماسخ بطبع جبان
وطول عمره عايشها بقوة ع الرايجة
مالوش ولا شخص و لا له كيان
حياته تملى ليه سايبة
ودى موهومة بالإنسان
خسيس قاسى بعقل تيران
عاشت وياه بحب سنين
وطلعت خيبة على نايبة
أميرة_مهران
ليست هناك تعليقات:
إرسال تعليق