امى
.........
ياامه ياغيبه وفى عينى
وحشتينى ياأمى وحشتينى
بحبك يا عمرى... وسنينى
مشيتى ياأمى وسبتينى
قوليلى يامه.
روحتى منى فين
أنا يامه.... مليش غيرك
وصعبة الدنيا من غيرك
قلبى بيبكى...ويدعيلك
القلب يامه......قبل العين
عنيا.........كحلها صورتك
إيديا........نبضها سيرتك
وروحى ..رهن لإشارتك
ياحضن دافى أمان وحنين
سامع صوتك.... .بيندهلى
ياكل عزوتى..........وأهلى
دانتى بس اللى تستاهلى
أجيلك......وأبوس الرجلين
وحشنى..أسمى على لسانك
وحشتنى أفراحك وأحزانك
وضحكتك. أنتى وجيرانك
يامه.... أنتى اللى زيك مين
وحشتينى..وحشتينى بجد
ماليش يامه........بعدك حد
تشهد عليا.. الدموع عالخد
اللي شقت..عالخدود بحرين
بيقولوا أصبر يامه وأنساكى
وأنا...... بتنفس لسه هواكى
دانا.. اللى جوايا جواكى
ياساكنة القلب وننى العين
*محمد وحيد*
ليست هناك تعليقات:
إرسال تعليق