**** قصيدة..
كلمة حب
مش مصدق ..
كلمة قولتيها زمان
كلمة الحب
اللي قولتيها بشفايفك
مش بقلبك ....
ولسة بيقولها اللسان
قلبي هو كمان رافضها
مش مصدق نبض قلبك
كل نبضة فيها كدبة
حتي في نظرة عينيكي
الكدب بان
وجايه دلوقت تقوليلي
سامح ولا انسي
انسي كدبك..؟
انسي هجرك .؟
انسي ..حبك..؟
ولا جرحك؟
أنسي عمرى اللي إتسرق
لحظة وجودك جوه قلبي
ولا أيامي إللي ضاعت
من زمان
إن سامحتك
قلبي ما يقدرش ينسي
وإن جرحتك
قلبي ما تعودش... يجرح
قلب حبه .... مهما خان ..
مش هالومك..
مش هاعاتبك..
مش هاسامحك
بس لا زم تندمي
علي جرح قلبي.
كل ذنبه ..إنه حبك
كل ذنبه...إنه صدق
كلمة الحب
إللي قولتيها زمان
********ء
من أشعار :
#عصام حماد
ليست هناك تعليقات:
إرسال تعليق