الصلح خير
................
الصلح خير ف المراجع
ولكل شيخ سره الباتع
سمعت للهاجع والناجع
كفايه هجران ومواجع
وقالولى وانت راجع
بين كرامات وميزه
خليك فاهم وسامع
نفوس الناس عزيزه
والحب بيبقى شافع
والخير هو الغريزه
وماتحكيش فى الدوافع
وخللى العيله ركيزه
ومعاك شنطة هدايا
واظهر حسن النوايا
وادعلهم بالهدايه
وانت بتقرا التعويذه
واشكر صاحى ونايم
مراحب قاعد وقايم
من طنطا للغنايم
وعرف سكان الجيزه
قلتلهم استنوا عليا
الناس دي جوه عنيا
ناس عاقله ومتربيه
عشرتهم حلوه لذيذه
لا هدايا ولا كرامات
لما ارجع م الإمارات
ولا انزل من عرفات
ابقى أدى الموجى بريزه
لو صلحى حيبقى مكلف
وارهن فدادين واتسلف
ويقولوا عليا مؤلف
انا عندى فكره وجيزه
عرفهم انى مسافر
شغال بره وبعافر
ومن كتر حظى الوافر
جيلكم مالقتشى فيزه
*محمد وحيد*
ليست هناك تعليقات:
إرسال تعليق