أنتى قمرنا
انتى قمرنا بينور ضلمتنا
إللى بنسهر معاها بلمتنا
انتى الضحكة أنتى البهجه
وف ضيك رسمتى صورتنا
يا قمر سهران بينادى الوجدان
نسمة هواكى تهدى الحيران
تطفى نار العاشق الولهان
من عينيكى بعرف حكايتنا
أنتى الجمال أنتى الدلال
أنتى السحر أنتى الخيال
يادفئ المشاعر يا قلب شاعر
ياطيف بالشوق مهاجر رحال
شجر الهنا مضلل حوالينا
بساتين الفرح بتطل علينا
نبع المحبه كاسه يسقينا
يافرح وسعادة ياكل دنينتا
يا قمر بالعلالى سكن السما
كل العيون لك بصالك
ساحر قلوب وناسى حبنا
ولا باجى على بالك
بغنى موالك ويا السهرانين
يا قلبى كان مالك بالعاشقين
ليل نجواهم دموع وأنين
نهار هواهم تبان لهفتنا
....
بقلم الشاعر
الأمير _محمود
ليست هناك تعليقات:
إرسال تعليق