لعارفها ولا عرفانى
..................
صديقتى إلى مش عارفها
ولا هى كمان عرفانى
لو اتقابلنا هبقى مش شايفها
ولا هى كمان شايفانى
على عتبات الكلام التقينا
اتفقنا على بعض المعانى
دار بينا حوار طويل
بعض الأفكار عليها دليل
أشوفها ده من المستحيل
ولا هى كمان شايفانى
بخيالى راسم ملامحها
واصف خدودها وشفايفها
الاقى شوقى واخدنى ليها
من سحر عينيها واصافها
أسهر الليل كل يوم
ويا القمر وصحبة النجوم
أشكى حالى وزاد الشجون
لو لاقيتها وأتقابلنا في يوم
لعارفها ولا هى عرفانى
بتبعت لى كلام كتير
أوقات تكلمنى عبر الأثير
الأقى طيفها ساكن وجدانى
حسانى ولا ماليش تأثير
بينى وبينها بلاد وبحور
لكن مدينا لتواصل جسور
طار شوقى فهواها كالعصفر
مااعرفش ليه عندى شعور
لو اتقابلنا القاها مش فكرانى
....
بقلم..الشاعر
الأمير _محمود
ليست هناك تعليقات:
إرسال تعليق