( يازماني. )١٦٢
يازماني. قولي احكي وصارحني
امتي تكونلي ولا تصالحني
دايما نسيني ع طول جارحني
نفسي ف مره تيجي وفارحني
وتقول سلامتك ده انت ف بالي
عايش خيالك ولا يبارحني
ان كنت لومتك وده غصب عني
كان نفسي أغني اقبل سامحني
يازماني صارح قول الحقيقة
غضبان عليا مختارلي ضيقه
مديني ضهرك غضبان وزاعق
اوهبني بسمه ولو دقايق
أو نسمه طايره انوي بمشيئه
او حتي ضحكه تكون بريئة
تيجي تطبطب لساني حطب
غلبت انادي شوفلك طريقة
ومش حاسبني ولايوم لمحني
وحتي جمعك ناسي وطرحني
ناكر وجودي بكيت لعودي
غيرت مودي وحزنت لحني
لو ناوي تصفح بين علامه
وارمي بياضك مره وصارحني
وطيب!
ليست هناك تعليقات:
إرسال تعليق