( عريس مصر)١٦٥
و نصيبي اتلف.في علمك
و امي وهباني ليك
واكون النار لمين ظلمك
ابيع العمر علشانك
عشان شانك وشاريك
أنا قلمك انا علمك
اضحي بروحي وافديك
ياست الدنيا مين ادك
ياولاده الرجال . فيك .
مكتوب من وقت ميلادي
سابق اسمي الشهيد انا
وراثه من ابويا وجدي
من زمااان . قولي سبع آلاف سنه
ساعه ماجيت. للدنيا
ولفوني في كام لفه
بتمني عمر فوق عمري
لو.عمري كله ما كفا
في صحاريك وف جبالك
اسد ماتهمني الحافه
عمري مايساوي حبك
حبك يطبب الكفه
ياما كنت اسمع .دعاك.
وانا لسه بحبي واتكفي
اشوفك.يابني..تبقي عريس
وافرح و انت ف الزفه
الدعوه استجابت يامه
وربي كان سامع صوتك
ولبي الدعوه وليها وفا
ورايح اهو. لاحضانها
.وف حضن.رملها أدفا
وبقيت عريس مصر. يامه
ومصر ماشيه ف الزفه
ليست هناك تعليقات:
إرسال تعليق