زمان والنهارده .. وبكره
كان زمان والله
يا شاطره
انتي ايه
لسه ناطره
كل حاجه اتغيرت
والزمان مابقاش
زي ما انتي فاكره
كان القرش
بيجيب مستيكه ولبان
والنهارده عايزالك
جنيه وعشره
حتي زمن الاخلاق
كان زمان
النهارده سوقيه
كدب وفشره
الناس الاصيله
راح زمانها
وكله دلوقتي
فالصو و قشره
واللي كان
بيصون عيش وملح
ما بقاش يبقي
علي جار و عشره
بنقلد الغرب
بس في الهيافه
وبنستورد منهم
كل فكره
وعظمة المصري
خلاص بقت
تاريخ وذكري
كل حاجه اتغيرت
وما بقاش فيه
اي امل
في بكره
حتي في العلم
في آخر القايمه
وفي وسط العالم
بقينا نكره
شعر : احمد المرشدي
18 يناير 2024
ليست هناك تعليقات:
إرسال تعليق