(..الهلفوت..)٤٤٠
لا انا طايش ولاهلفوت
ولا خايف... من النبوت
تلاقيني قرد وسط قرود
وحافظ لكل شجر التوت
ف حالي عايش ومتخفي
وكاتب اسمي علي كفي
وقبل اسمي انا كاتب
ده اسمي ال متوفي
واوقات عايش وبنطط
وخيالي لحلمه بيخطط
بيرسملي هنا بسمه و هنا ضحكه
اوام افرح وليه ازأطط
وحط. في أيها حته
وانصب خيمتي مايهمش
والم الخلق لو سته
وعيون فناجين ولا تعمش
ونط الحبل مع عيل
وطبطب ع ال بيريل
وأمسح دمعه المحروم
ولو حالي بقي منيل
ولما افرح فرحي صريح
وانط واركب المراجيح
وأحضر ليله لأهل الله
واكون مجذوب مع المجاريح
واكون صاحي مع ديابه
واسد واكني في الغابه
ووفاء الكلب من طبعي
و اغني لقرد بربابه
وهب انط ف الاتوبيس
و معايا ...كل اوراقي
و مزينها بكل احلامي
ومدونها ف الكراريس
تقضي الناس ويفيض باقي
ولواسمع صريخ او وصوت
واد مجدع ما يهاب للموت
ومتشمر..والأمل حالم
واروح وانصر المظلوم
وممكن انصر الظالم
ولو حقه ف بطن الحوت
لكن ابدا
منيش ضايع ولا هلفوت
وميهمش لو قالو صايع
ولا يخوفني يوم نبوت
وعايش يومي ومتعايش
واهي عيشه ..وانا مآمن
كده عايش وكده عايش
واهي عيشه وآخرها
....الموووووووووت
ليست هناك تعليقات:
إرسال تعليق