بتوحشيني ...
ايووة أكيد
بتوحشيني
ولسه فاكر
لمسه ايديكي
لما كانت
تحضن ايديا
لسه فاكر
لما كنتي بتيجي
تجري عليا..
أول ماتشوفيني
وتبقي موش
عايزة تسيبيني
ايووة بتوحشيني
لسه فاكر
يوم لقانا
زي مايكون النهاردة
لسه فاكر
أنك كنتي
بتحبي اغاني وردة
و فكل لقايا بيكي
كنت باهديكي وردة
وعبد الحليم
بيثير حنيني
ولسه بتوحشيني
لسه قلبي
عايش بحبك
ولساه كل يوم
بيتمني قربك
نفسه يوم
يجي تاني
وتلاقيني
بتوحشيني ...
شعر : احمد المرشدى
ليست هناك تعليقات:
إرسال تعليق