(..يوميات كلمه..)٤٤٣
من الحاره وم الحته
ومن يومي وم الصبح الساعه سته
ومن القهوه.وم الحيره وم اللهوه
من الجري ال تعب مني
.وم الربكه ع قصه تكون حابكه
مع عودي مع الارغول.
.يدندن ويبكي يقول...مايبطل
وانا واقف و عربيه فول
ومجذوب جنبي بيهطل.
ومن جوعه بياكل غول
.ولابيفصل لا متعطل
ومزين لجلابيته
كام مزعه وكام بقعه.
.من الدنيا وما فيها
ومن ساعات أيدي ساقعه. .
بتشقي كتير وادفيها
ومن فرحي ومن حزني و من خوفي
انا شكلت لحروفي .
وقلمي يلم تشكيله
تروح الكلمه تشكيله
ساعات شجيع وساعات بجبنه يتحلي.
وايه العله... وليه عن حرفه يتخلي
ضناه منه وهو ابنه وكمان طفله...
يتيم السطر وانا كافله
واخربش.وفرح تتلم النقطه
حاوي لواقعه وكام ساقطه
وهنا صوره.وهنا صوره .
وكام لقطه.واروح كاتب.
واكتبلي... واتعاتب
وشويه اجري اروح قاعد.واتفرج
علي حاوي وع مهرج.
وانا فارش لمنديلي .وده زقه
واخد. بالكوع...واقوم مفزوع.
واقوم واقف ع حيلي.
واحكي لنفسي واقوله
متقلقش ف رب معين...
ماكان ليك ياولد تعيين
.ماربك.رازق .النمله
وكنت تكتب كمان وتقول.
لكام صفحه وكام جمله
وكلامك يوصل مايحتاج جسر.
ولامحتاج لختم النسر
ولا حتي موظفه ولمضه .
لا بتآوح... ولا معانده
وتتحنط.. عشان امضه
مش انت ال اخترت للسكه
اديك بتتفرج علي الملعب
واديك قاعد ع الدكه
.وجي دلوقتي وهاطاطي
ولحن حزين و سمباطي
ومسلم لموج عالي
وعمره ماحطها واطي
خليك بين حروفك عايش
.بدون رايش
بتكتبها.تعلبها.وساعات برضه تشقلبها
ماليها الحزن وغالبها
ولو حد قرالك. يوم
.وقال أحسنت
وقال روعه...تكون مبسوط وتكون راضي
وبسرعه تنسي للماضي
وابيض... ما تحب لملوعه
وتقول وسااااااع... و تكون مبسوط
وتقوم تجري...وتقول اوعي.
ليست هناك تعليقات:
إرسال تعليق