..(..صرخه..)٤٣٥
سرحت... صرخت... في حواديتي
وجريت.. وبقلب حوانيتي
كان باقي مني هنا شويه
كان باقي صورتي وانا بشورتي
وانا راسم...قلب علي اورطي
كان باقي حاجات جوه ف صمتي
وخدتها الدنيا من شنطي
كان باقي خطاوي انا وصاحبي
مصاحبني واحنا ف اللفه
وبنكبر لسه وبنحبي
وفرحتنا مشيت ف الزفه
وبقايا كتير راحت مني
وصور خيالات مش راحمني
اخترت البعد وليه بخاطرك
ولوحدك ف السكه و ماشي
عمال تتلفت بتأني
ودموع في عيونك مسحوحه..
.وتواريخ من ذهنك ممسوحه
بس غريبه.....حاجه عجيبه
..بدمع.... ولسان بيغني
داقت ونسيت للبحبوحه
شايفك بتحوم ...حوالين روحك
ولسان سجان حارس بوحك
شايفك بتلف ومش لاقي ...
.عمال تسألني ع الباقي
والباقي آهات ساكنه جروحك
بتحن..وماسك ف خناقي
بتزن.تقول قوم رجعني...
والجن يوسوس ع الماضي
ولاعارف تخلع من توبه
وقربت خلاص ان تميله
عمال تتحنجل ف دروبه
ولا عارف تهرب من ضله
طب سافر... ولملم يوم فاتك
.لو حتي بعيد عنك... نائي...
وهاتو ف ايدك....قوله
...انت المكتوب علي اوراقي
...وريني نفسك وداويني
..وهاتلي من زمنك ...ترياقي
وهاتلي الفاضل لو باقي
.يصبرني ع حيرتي..ودمعي
ويطفي النار من اشواقي
ليست هناك تعليقات:
إرسال تعليق