(.طوق النجاه.)٤٤٤
طوق النجاه اتفزع.... مالخوف وم الخضه
شاف النهار ماشي ... رايح بيتوضي
شمسه.الغراب خدها ... وداها عنه بعيد
مستني يجي القمر ... راح قالوا ده عدي
طوق النجاه م الغلب ... خرج من طوقه
شاف الهموم جايه ... ومكركبه فوقه
بقي يجري ويبرجس ... خايف م النكسه
حب الحياه راحلها... بهواه وكمان شوقه
جايب لكام كشاف ... لينور العتمه
طلعله كام عفريت ... واداله. كام .لطمه
يولعوا ف الأمل ... لجل يروح ويموت
ويصوع كمان الجوع ... مايلاقي يوم قطمه
صرخ الأمل.وهو ... بينده ع بكره
رد الشيطان يحبطه ... همسله بقي ذكري
خنق شعاع الفجر ... وهو كان صابح
وعليك بقي النسيان ... وودع الفكره
نادرين عليه يا شمس ... لو جيتي يوم بيتي
لا فرق ضحك وهمس ... و معاها خير غيطي
تفرح صبايا وولاد ... وتزغرط. العواجيز
وشمس الشموس تطلع... تسند.جدار حيطي
ليست هناك تعليقات:
إرسال تعليق