( محاوله )٤٥٤
انا محاوله. انا فكره
انا يومك. وانا بكره
وكنت ليك ف يوم اولي
ونسيانك. عن الذكري
انا حروفك. وانا خطك
وانا.المأوي. وانا شطك
رماك الموج وجه حطك
علي ضفافي
وكان ضلك. ف يوم ضلي
وكنت ساعتها بتصلي
وتدعي بقلب. ماتولي
لصفصافي
انا حلمك ال ياما حلمته
وخيال نجاتيه كلمته
وسلمته. للمفتاح
ببال.. صافي
انا صباحك.. قبل اي صباح
انا النجم ف صحاري دنياك
وتغريده مصاحبها فلاح
وحملك. كان ع اكتافي
انا غيثك. وانا ليثك
ولما كنت اقول غزلي
احلق بيك واكون قيسك
وبلسم ليك يكون شافي
وكنت انت الوحيد ف البرج
وكنت انا لضهرك سرج
وانا الخيال
وانت كنت متعافي
سلام. روح واقفل الصفحه
لاعهد ما بينا.... لا مصافحه
وبلاش ريحك تكونه عاتيه
وتغدر وبغدرها مواتيه
تشد. تهد. اوتادي
وبخيمتي تكون لفحه
وبيدك .....للقمر طافي
ليست هناك تعليقات:
إرسال تعليق