دور ف ذاتك
..............
أدخل جواك
دور ف ذاتك
كرر نِداك
هات صورك
إفتح ألبوماتك
وشوف مين عاش
ظروفك بإخلاص
ومين ف العتمه
سابك
ومين أكل عيشك
وجفاك
شوف الناس اللي
ف حياتك
مين بالغالي إشترك
ومين بالرخيص
باعك
ومين إستنزف
قلبك
ومين ع الجمر
سواك
شوف مين
يستاهل حبك
ومين مايستاهل
رِضاك
ومين بمزاجه
سابك
ومين بُعده حرقك
وكواك
شوف مين بقلبه
حَماك
ومين آمنته علي
سِرك
ومن وراك نهش
لحمك
وإغتابك
شوف الوشوش
إللي بتضحكلك
ومن وراك بِتذمكْ
الحياه بقت غابه
وكِتر فيها الديابه
واشكالها بتُغدر
وألوانها خداعه
يارب رُحماك
واقف على بابك
...................
جلال محمد
2020/1/20
ليست هناك تعليقات:
إرسال تعليق