(محسوبك. )٤٤٦
محسوبك.
المدعو... مواطن
مابين جدرانك انا قاطن
ولا شايفك ولا لقولك انا فاطن
وريحتي من قلت... بقت اخيييي
قولي معطن قولي عاطن
وده قولي . هجر وفارقني مفعولي
مفيش حاجه مخبيها
حتي ف عقلي الباطن
واملي م حطامك صفر
وانا وكفي عديم الضفر
ومفيش قالب...وف الغالب
اناابيض .ومفيش ازمه
وآخر امل بدلته بجوز جزمه
اهي تداري شراب مقطوع .
علي شويه سواد منقوع
بيمشو يوصلوا للكوع
وانا اشربهم. أدب الحيط
وادروش واقول كتاكيت.
وف المولد يختارني اناالعفريت
وده حالي... فكري اتشل بقيت خالي
وعلامي كله انا نسيته
وهمي بس ف اللقمه
وجسدي معادي للصحه
و من عشقي لترابك
مانابني منه غير كحه.
وراح عصبي اجي امسك او احها
وبتأخر ولا اتقدم وكل حاجه مطرحها
وبن آدم مفيش غيري ..
.م القمصان عندي اتنين
انا وقردي ال بسديري
وهدمتي م الشقي دابت ولو عابت
في وسط الصبر بنقعها
وم الدنيا عنين حمرا
عز الصيف وعز البرد... مارحماني
ولارحمني... بزنه القرد عاوز ياكل.
وبقيت محتار...
ها.اكلني ولا نخش ف مشاكل
ودي كل حواديتي ...وبكلم وغلب غلبي
وعفريتي يقوم راطن
وبقيت تايه... صحيح جواك انا قاطن
بجد!!!.... واول يد!!!...
ومش تراحيل!!!.... و م الباطن!!!؟
. .
ليست هناك تعليقات:
إرسال تعليق