يمكن .. !!
اديني صابر
وباقول يمكن
الفرح يجي
في آخر المشوار
لكن موش باين
حتي الارض
اللي كانت تطرح
أصابها بوار
اديني صابر
رغم ان
الضحكه غابت
من وشوش الناس
من كتر ماداقوا
طعم مرار
ورغم الدنيا
عماله تضيق
وموش باين
من قساوتها فرار
اديني صابر
يمكن ..
يجي بكره
وتطلع الشمس
ويطلع بعد
ظلام الليل
الف نهار
اديني صابر
يمكن ..
تتبدل الأحوال
و ترجع تترسم
الضحكه من تاني
ويفيض الخير
علي البشر انهار
يمكن .. !!
شعر : احمد المرشدى
ليست هناك تعليقات:
إرسال تعليق