(..استرجل..)٤٣٧
ياواد... يابت ياعيل!!!
ياواد رجل ولا تميل
ياواد... اخشن
بقيت.....سوسو.....
راجل معدود يامتنيل
ياواد
ماشي عامل ..قرصان
وبتقلد ...اكيد اختك
معاها تلبس القمصان
وماحامل هم يابختك
و شاحت منها للتوكه
ومربوطه ومحبوكه
ومدلدل لديل لحصان
بقت روبه ومعكوكه
وماشي وايه بتتمطع
ولابس مجرب ومقطع
وقميص بترتر ومشجر
وشبه راجل ومتعنجر
وبقيت انثي وانتوكه
وايه عاجبك
راسم ياحسره لحواجبك
ياواد كرشك قد الزير
ومفيش ....محاذير
وف رقبتك شايف جنزير
وعليك ببص واتفحص
يكون اصل البعيد خنزير!!!
ولا ده. ولف ومرخص
ياواد .اختشي ع دمك
ياواد شيلتني همك
ياواد لابس حلق امك
يا عيب ...الشوم..
خيبتك واصله لركبك
وفيها ....بتعوم
.وغويشه ..وبفظاظه
ومشمر. ومتعايق .
وبتسميها..... حظاظه
وف توب الحريم لايق
ماسك ف البوق بزازه
ومش ناقص غير البيشه
ياواد انت بقيت خيشه
ياواد ماشي بتترقص
ع الواحده وع الطبله
طب قولي ..ماما .قابله
ولاحاسه وبتتطقس
ان حنتوس عين امه
يسيب. شعره. وبيلمه
طب قولي. بابا..عارف!!!
خلف. بغل. و لصفات
الحريم. ..غارف
وبيتأصع....وبلبانه
ياواد .رجل ياواد.عجل
روح............. استرجل
يا اما.....
حلال دفنك ف جبانه
ليست هناك تعليقات:
إرسال تعليق