(اوعي ياصحبي)=١٧٣
اوعي ياصحبي تكون طبيت
شايفك عامل انك جامد
مداري الدمع وليه خبيت
شايفه يوم جه نادي عليك
وانت سمعت لنداه ولبيت
اصل نداه بيعدي أسوار
ويعدي كل عتب ف البيت
حاسس بيك وانت بتتألم
وحسك يوم ماعليه سبيت
شوفت ملامحه جوه كلامك
اسد وراعيته وليه ربيت
يمكن وهو صغير حبيته
كنت تطبطب ويوم مآسيت
وكان حاضر وديما طوعك
كان ينطط لو ع الحيط
لكن لما ..غريزته.. بتكبر
وانت دواه وهواه غذيت
نكر كل ايامك الحلوه
مع انك بكل حلو بديت
سيبه يا صاحبي ولما يرجع
يشوف بعنيه لهواه هديت
اوعي ياصحبي تكون طبيت
تعلي وتعلي كل اماني
وانت بايدك ليها بنيت
فجأه تحس انك وحدك
وبتتكلم مع برد وحيط
تصيبك لعنه... الملعون
بعد تكون لهواه شديت
اصل ساحر وانت المسحور
وقالك جي وليه رديت
ولا يكون عمل معمولك
وانت ياعيني عليه عديت
حاول يابني تطبب نفسك
وتنكر ان وراه صليت
وتنكر ان معاك واهو عايش
وانت لاروحت معاه ولاجيت
اصل في ناس وخداها تسليه
وانت تقدم ..وماخليت
ملعون ام ال اسمه الحب
ال انت عليه.. اتربيت
خلي حبك بس لامك
اول حب ومنه رويت
هوالدايم حب حقيقي
عشته..... وعاشك
وكان ف الرضعه
.وانت ....بتكبر
وقلبك ....نونو
مولود بيه. وعليه. شبيت
ليست هناك تعليقات:
إرسال تعليق