*** قصيده :
سامحيني
..............................ء.....
عارفه ليه أنا قلبي حبك
إنت غير كل البشر
حتى في رقة قلبها
إنت مخلوقة بعيون
ضحكتها مش فيه زيها
وابتسامه من شفايفك.
الكون يتوه في سحرها
إنت كل حاجه فيكي
محتاجه قلب يحبها
لو بين ضلوعي ألف قلب..
ولا يقدروا على عشقها
يا سحابه طايرة في السما
وانا محمي تحت في ضلها
يا صوت كمان وقت السكون
دايما..... بيعزف لحنها
يااااااه...
يااه ع الوجع من بعدها.
وياه ع الوجع من بعدها
لساكى فاكرة..
كل الأماكن واحنا سوى انا
رحتها ؟؟
لساكى فاكرة..
أجمل هدايا علشان عيونك انا
جيبتها ؟؟
لساكى فاكرة..
كم قصيده عشق فيكى
كتبتها ؟
لساكى فاكرة..
كم مرة إيدك انا بوستها..؟
ليه بس فاكرة..؟
غلطة واحدة غلطتها
مكنتش غلطة ....
ولا كلمة حتى.... انا قلتها
بلاش عقاب...علي غلطة
واحدة غلطتها
سامحيني .. طيب..
واقبل عقابك وارضى بيه..
لو تانى مرة عملتها..
وأدى إيديكى ...
ع الوش مرة ....والضهر مرة .
علشان تسامحي... أنا بوستها.
كفاية زعلك...
ورينى يلا ..ضحكة عينيكي.
ولا ابتسامتك... وسحرها.
..............ء .
ما تيجي نخرج ...... .
نمشي سوى.
ناكل سوى
نلعب سوى
نروح في حتة لنا فيها ذكرة
وعشنا فيها.......وبنحبها
يااااااه......سامعة الندا ...؟؟
كل الاماكن اللي رحناها سوى
بتنده علينا .. وبتحبنا .
بتغير علينا من بعضها.
عا مله لنا عشة صغيرة.
عايزانا نسكن... حضنها
أيوة كدة... الله عليك..
الضحكه حلوة...والا بتسامة..
والنغزتين ...علي خدها.
يااااااه ..ياااه ع السعاده...
باحس بيها ..والقلب يفرح.
لما باشوف ..ضحكة عينيكي
وأمسك ايديكي..
ولحضن قلبي .أضمها
أنا بعشقك... وبلاقي فيكي
كل حاجه حلوه بحبها .
إنت المني .
وانتي الهنا.
وانت الحياه.
بحلوها وبمرها
وحياة عيونك.... من يوم ما
شفتك
ما شفت منها غير حلوها ...
يا كل حاجه بحبها..
دى عيونك البنى..أسرت قلوب
في بحرها....وبسحرها
دى كل حاجه فيكي...
محتاجه قلب يحبها
.....إنت السعادة كلها .....
ليست هناك تعليقات:
إرسال تعليق