(..لاحياه..)=١٧٧
لا حياه بدون حياه
رغم كل مر فيها
رغم غلب والف اه
بنصادفها ونلاقيها
رغم كل حلم تاه
رغم شر لابدمنه
لا حياه بدون حياه
اصل حلمي مش ضعيف
اصل انا مستني ندهه
والنوم بيزورني خفيف
امسك امبارح بليله
وتبقي يدي بالف سيف
ويبقي يوم يشوف في ويله
تتخبي كدبه و زيف
ويهرب الخوف من حياتنا
والامل يصبح حليف
وينحصر ويتوه دليله
يصاحبه الهم ووليف
ويعلي صوت الادان
نروي منه كام فدان
وتخضر مدينه وريف
ترقص الحياه وتفرح
وللعجوز تطلع سنان
اصله صلي فجره حاضر
اصله ع بكره قادر
اصله مش غريب وضيف
وشبابه يرجعله تاني
وتدب قلبه الاماني
تحلو الدنيا في عينه
وللشقي يجري ويحلا
وينسي كل دقيقه مره
ويودع ضيقه وسحله
تخضر يومها الكفوف
وتعمر بيوت كانت كهوف
ينور كل زقاق في الناحيه
ونفرح علي دق الدفوف
وتفرح سمره وعيشه
ونلبس دبله وغويشه
والولد ابن عم بكره
الفرحه تلبسله بيشه
ونرفع ايدينا للاله
لا حياه بدون حياه
ليست هناك تعليقات:
إرسال تعليق