(..كان..)=١٦٧
اصلي(. كان.)شايله جواها حاجات
شايله خير شايله عيشه وهوايات
اصلي كان لما تقولها يبقي يا بختك
هاتقول كان صحابي كان حبيبي
وهاتحكي منها روايات
تعيش عليها تروي الايام الخوالي
تداوي روحك من جروحك والآهات
كان ...بتحكي
كان... بتشكي
كان تصور المشاهد في الفرح
لما عيونك صدفة عيون حلمك هناك
وهو بيتمايل ويرسم جوه عيونك ملاك
يميل معاه قلبك يخدك.ويوديك هناك
كان. دي سكر.. كان.دي. خمر
كان. دي سجده..... وشق تمر
وشوف بقي ازاي تعيش
وعندك مفيش
في الجعبه حاجه من دي الحاجات
وتاهت منك الحقيقه ده انا ولا مرايات
كان ...دي فيها وكمان مفيش
كان ........دي عيش
كان ...ولد وكمان بنات
لما روحت يوم المدرسه
ويومها حييت العلم
لما قسمت انا و صاحبي القلم
لما فرحت لما كان في جيب المريله.
سندوتش ونص ملبسه
شايلها ليها وهي بدفايرها السلب
عقلك من عقلك.... سلب
والحلم شيلته في العلب
عايز بسرعه يجري ويعدي النهار
مشتاق تعرف هايغلب ولا هايتغلب
ومين جلب.
مين سلب.
حاضر ومليان بالمرار
الحقيقه ولا المريله
وهي كمامها منك مدلدله
والجزمه رابطها انقطع.
..وشنطه ماتخلي من لطع
مع انها شايله امل...
.. وبكره في الشنطه اكتمل
وآه ياوله
.كان.... وسع
وكان.....خله
محروم ..يلي ماعندكش كان
وكان صديقي فلان..وفلان
وحكايه لما تفتحها
.............تلاقي الدنيامطرحها
وشايفها بعين يومها
........ تطبطب عليك وتقولك.
خد ...من كان
........... .. ما في .الامكان
وخد منها مدد بكره
... ... وكام صوره تكون ذكري
تعيش بيها
...............وعيش يافلان
ليست هناك تعليقات:
إرسال تعليق