( انا وعودي..)=١٦٨
انا وعودي حاسسني
ملازمني.... ولامسني
يشوف دمعي يواسيني
وفي فرحي يراقصني
أشد اوتار ه يطاوعني
اقول الدو يقول طيب
ولا مره يمانعني
مصاحبني وحارسني
ولا حبي اليه خيب
وفي الوحده يونسني
وكأنه حته من روحي
عارف همسي مع بوحي
ولما يقول ...يقول عني
تقول فتش وعاسسني
يقول اللحن من قلبه
يزين بالاهات حسه
يترجمها تقول هيه
كأن الجن راح مسه
الا مس بالدفا وتره
يرد عليه وبخطره
يقولي لا دي مش عادتك
انا اوتاري ليك ..انفطرو
يقول الرصد ويتوه
ويطبطب ولا ينوه
ويسألني بقيت انت
و هاتسيبني انا اتأوه
ليست هناك تعليقات:
إرسال تعليق