(..خطر..)=١٧٠
لما جبينك ينكفي
وتختفي
كل سمات البشر
لما ضلوعك تنكرك
وتكتفي
........بأنك حجر
لما عيونك
تصطفي بس ال ليك
لما تكون انت
وبعدك بس يجي الطوفان
وتحتفي.. بأنك جبان
تطير وتتخبي بين السحاب
تتعلق بحبال النجوم
تقوم تقع
تمسك بتلابيب الغيوم
تستني منها المطر
وده الخطر
ولا مره علي بالك خطر
اصلي هاتصحي كتير حاجات
كانت دفينه
بطن ارض الذكريات
بتكبر ومحتاجه للندي
اصل ابتدي....
ولو ابتدي موسم المطر..
....ده ....الخطر
ليست هناك تعليقات:
إرسال تعليق