(. القطار.)٢٧٤
قطار العمر ودعني
وبيجري وبيبعني
صحيح هو حاسس بيه
ولا داري ولا معني
ياعم القطر استنه
وخدني معاك واسمعني
ان كنت في يوم راكبك
وكنت اقول وسامعني
ومش عارف تداري غدرك
و ليه قاصد تدمعني
وتسيبني هناك واقف
اجي اركب ترجعني
ده انا كنت يوم منك
تقوم تمشي تودعني
ده انا كنت ليك صحبك
وكنت بيك اكيد معني
طب أسأل يوم من ايامك
ليه في بحوره وقعني
ويقولك ده كان عارف
وهو بعنده ضيعني
وفاكر اني هااستنه
ويجي يقول ده خدعني
لكن هو ال خلي بيه
بعد ماكان مطمعني
ونسي انه مواعدني
وجمد قلبي شجعني
......طيب سلاااااااام
ليست هناك تعليقات:
إرسال تعليق