(سوق الكلام )٢٨٩
نزلت سوق الكلام
لجل اكون شاري
لقيت كلمه (حرام )
بياعها.. مداري
وماحد شاريها
وجنبها. كلمات
ولا حد آنيها
ولقيت كلمه (اصيل)
جوه تقفيصه
وسعرها في الأرض
ووحدها رخيصه
قولت اشتري كام كلمه
لبكره ولعوزه
كل ماجي اشتري
الاقيها محجوزه
وفجأة لقيت كلمه
وناسها ملمومه
وجوه مكشره
وغيرها مهمومه
انا قولت ياحوسه
كل.دي لمه
وبالكلمه مهوسه
ببص ع الكلمه
لقيتها دي... (هيصه )
ومشيت كمان في السوق
وخيالي لي مرافق
ماشي معايه الخطوه
وف أيدي راح عافئ
وقالي بص هناك
لقيت انا لمه
جت عيني ع الكلمه
لقيتها دي. (منافق)
وليها كام شاري
وناس تخدها دست
وبسعرها تجاري
ومعمول فيها خصم
اصل النفاق مطلوب
ومشيت واكعبلت
وحظي اكون.معطوب
في رجل واحد قاعد
علي نص قالب طوب
قاعد هنا محني
ومسندينه يدوب
بياع لكام كلمه
وشه ياعيني مقلوب
والبيعه قطاعي...
والكلمة دي (ايوب..)
هاود ياواد عمي
هاود مفيش داعي
قالي هابيعها لك
وكمان ع البيعه...
(صابر ع دراعي )
من غير فصال خدتهم
ويارب ارزقنا
وبياع كمان ف السوق
اعد اهو ف خانه
شايل معاه كلمه
والكلمة دي( امانه )
بقوله انا للبيع
رد وقال..لاءه
دي محتاجه صيانه
وماشي وبلف السوق
عمال انا أتلفت
وناس تشوف وتدوق
ده عادم وده حادق
قاعد يعيني بينش
زهق لكنس ورش
وبضاعته دي ( مبادئ )
وامسك ياواد ماتسيب
وهات هنا البياع
بتبيع يا عمي ايه
وايه معاك يتباع
وفلوسي أهي ف الجيب
قالي دي غاليه
الكلمه دي كات ( عيب )
وخدتها ..تاوتها
وعايز كمان كلمه
وفجأة انا لقيتها
وفرحت بيها اوي
والدنيا صد تها
ويارب ..يارازق
خدت انا الكلمه
والكلمة كات (صادق )
غلبان وقاعد هناك
ومنزوي في حاله
لحد عدي عليه
ولا م البشر جاله
خدتها وقولت له
يعوض عليك ربي
انا هاخد واحده بس
والتانية ليك خبي
اصلها شحيحة اوي
عبي... اوام... عبي
ومشيت كمان خطوه
واهي رجلي شيلاني
وجزمتي اشتكت
ورجلي وجعاني
وجتتي حاسه
ويدوب هاقعد. لسه
فجأه لقيت لمه
علي كلمه ( الخسه )
وده هات منها عشره
و بيعه واتوصي
وسوق الكلام ماجبرش
الا لكام بياع
بياع لقله اصل
والتاني باع اوجاع
واما تاجر الاصل
بيأن راح ف نزاع
خرج ماباع في السوق
وجيوبه مقلوبه
وحلف ماهاجي السوق
ولا ليه سبوبه
رأس مالي راح و ضاع
والدنيا مقلوبه
وها عوض الخساره
وخسارتي محسوبه
وسع كده ياخال
وهاسبني من الصداع
وهابيع بضاعه شمال
وبيع..(خيانه) (وخداع )
ومره وخلاص توبه
حرمت انا حرمت
واهي مره واهي نوبه
ليست هناك تعليقات:
إرسال تعليق