#وهي # دي # الدنيا #
""""""""""""""""""""""
"""""""""""""""""""""""
وهي دي الدنيا
لا بتجامل ولا تحايل
وحظ المخلص فيها
يبان بلا تقدير أو حتى جمايل
فإذا حسبها حسبة صحيحة
يلاقي حقه موزون مش مايل
فعند ربك مكانة للصادق
أما البعده فمصيرهم زايل
ربك رب قلوب ونوايا
فإذا أخلصت تبات مش عايل
أكيد راح تجبر ويزول همك
تقل الحِمل ..!؟
أوعى تقول لا مش شايل
كم مرة اتشالت عنك شيله تقيلة
لا بالشطارة ولا بمهارتك شلت تقايل
دا ربنا سترك شايل عنك لحُسن النية
ولولا السعي يجمِّله صدق لشفت بدايل
فمهما يطول الليل ويضلّم
جاي لك فجر كله رسايل
جاي لك نور كله بشاير
يطمن قلبك ويمسح منه أي رزايل
قيّـم حالك و أوعى تبالغ
لا مع حُزن ولا ف الفرح كمان تتمايل
آهي دنيا و أيام بنعيشها
وقدرة ربي منظمة كونه بشكله الهايل
فطمن قلبك وارضى وغالب
كل معاني اليأس الجاير وعيشها وحايل
سيب لك ذكرى تنور أثرك
وتعلن كان عايش بينَّـا ببسمة وطيبه وكله شمايل
أحلاها إنك تقرا في صفحة وجه
أنه يحبك وإنه يجِبلك نجم السما لو طايل
وهي دي الدنيا مع ناس حلوه
تمر بسرعة بجو الفرحه تركه رسايل
#مصطفى #عبدالرحيم #الفرا
ليست هناك تعليقات:
إرسال تعليق