(..كوبري..)٢٩١
مع اننا في نفس السطر
ونتجاور
لكن بينا مفيش في الجمله
كلمه لكلمه بتحاور
وبقي بينا الوداد محسور
وتاهت منا كل جسور
حاولت ابنيها.. ومغاور
ولا بينا همزه وصل
ولافي ميدان بنتلاقي
ولا مدقات ولا محاور
ولا بينا في الوصال كوبري
ولا مينا ولامحطه
وكلمه يتيمه. بعديها
فاصله وبس
كام .....نقطه
لكن اخرك
انا علي بر
وانت ع التاني بتشاور
بننده بس
ببعضشي حس
اطوح..... ايدي
ايدك ..تطوحها
الوح
تروح انت ملوحها
لا انا سامعك ولا انت
وكل حاجاتنا مطرحها
وتعبك يزيد ....تعبي
و تاخد الدمعه تروحها
ونرجع تاني
نعيد الكره وناور
لا نتقابل ونتكلم
وشايفني وانا شايفك
والهمس لمحه في شفايفك
وتتمني.... واتمني
واستني....
تجيني اجيلك ونتزاور
ونعيش علي امل بكره
تعيش جوايا واعيشك
و جوانا الفكره
لكن خوفنا
بيلعب بينا بيساور
بقلمي/
محمود عفيفي دومه
ليست هناك تعليقات:
إرسال تعليق