(..السيد..)٢٧٩
عم السيد
كان يوم سيد
وفره ف عيشه
ويجري ويلعب وبيتريض
ونافش ريشه
من يوم ميلاده
مكتوب .متأييد
كان مكتوب كده اسمه!!
ايوه. كان مكتوب
كان مكتوب انه سيد
وكان .معدود وكمان محسوب
و كان.بين ناسه كمان محبوب
كان مكتوب المذكور سيد
وفي كراسته ديما ناجح
وف تقديره بياخد جيد
قبل اسمه/ شرطه ومايله
شكلها حلو. كانت هايله
ويكتب المذكور / سيد
عايش عيشته وكان راضي
جيبه فاضي
لكان يتعارك ولا بيقاضي
وعارف الفرح وكان بيعيد
اصل كان كام مذكور غيره
كتر خيره
واخد تحت جناحه السيد
وعم السيد بقي ايوب
راضي ومرضي برزق الله
قانع .خانع. للمكتوب
ماشي يكلم نفسه شويه
ويبوس ايده بالمقلوب
وشويه ويدعك ف عنيه
هو ماكنتش امبارح السيد
امال دلوقتي بقيت انا ايه
وازي فجأه بقيت ايوب
هو زماني لف ودار
راجع العد وبالمقلوب
ولا انا كنت شويه رمله
ولا انا كنت قالب م الطوب
ولا كنت لوحدي جماد
بين الخلق منيش محسوب
ولا انا ماشي في خط لوحدي
وعلي اورتي مكتوب .ايوب
شايل هم وغم الدنيا
وشربه ميه ولقمه يدوب
ولا انا واقع م السيستم
عندي يهنك يصبح معيوب
كل مااروح للسستيم اقوله
انا ضعت ياعم السيستم
ولااحتارت ف حالي وحستم
ماشي بدخن خرب البستم
جوايا صوت كركبه وحروب
ياعم السيستم ده انا السيد
ولاكنت امبارح مجذوب
يرد يقولي
لسه هاتكدب
روح غور ولي
روح ياد روح صلي و توب
كل شئ عندي ومكتوب
ازاي بتقولي اني انا سيد
وانا قدامي اهوه بيقول
انك لسه يدوب....ايوب
ليست هناك تعليقات:
إرسال تعليق