( ..امامي..)٢٨٣
كنت أمامي وان المأموم
كنت بشوفك حاجه كبيره
كنت اتنين وخميس بتصوم
كنت اخويا بحكم الجيره
كنت بالنسبالي معلوم
لما كانت تقابلني حروفك
كنت اعاتب نفس واللوم
ليه خلتني دلوقتي ف حيره
صاحيه عيوني ف عز النوم
كنت اروح لهناك ف مسيره
وتدور عيني وتعمل زوم
فجأه لقيتك انت هناك
فاتح بابك والشباك
معقول جالك سهم وصابك
ولا هواك واخدك وداك
كنت بشوفك خطوه عزيزه
كانت كل لمحه لذيذه
ليه دلوقتي هناك بتروح
وكان لوجودك طعم وميزه
كل شكوك علي بالي تحوم
كنت انا يوم حطك ف العالي
ليه اخترت انت ا لبدروم
وكنت امامي وكنت سلامي
وكنت اتنين وخميس بتصوم
مين ياتري ياولاد وداك
لندا ربك بتجري تقوم
قولت ياواد بتفك شويه
خليت نفسي لنفسي تلوم
تيجي وتقولي
ياعيب الشوم
ده انت كنت يواد مظلوم
وعندك حق
طب يمكن كان محروم
ولا شيطان وسوس واتشطر
وقاله ان الموضوع ملموم
ولا يكون زمرله ف ودنه
جابله عسل ابيض مسموم
وهو يعيني علي نياته
ومايعرفش انه مخموم
وسابه يغرق لحد الشوشه
و يولداه ضعيف في العوم
يمكن كان بيعاني الحيره
واضح انه ياواد مهموم
ضاع الفكر عاوزله جبيره
اكل.الطعم وكان مخدوم
صحي النوم
............طب هايصوم
و ينفع.تاني.اصلي وراه
ويكون هو برده امامي
وتاني امشي وراه مأموم
ماعدش لزوم.......
ليست هناك تعليقات:
إرسال تعليق