(..عقرب..)٢٧٥
وبقولك ايه ياجدع
ياما كتير عاش وانخدع
وقابل كتير كان عمهم
كان كل همه همهم
ولما وقع اصبح فطيس
مشي ف دمه سمهم
طلعت فيه كل البدع
احتاركتير م نمهم
جري يوشوش في الودع
امسح. دموعك وجففها
لملم اهاتك لمهم
طبطب ع نفسك لاطفها
خدها بعيد عن الفزع
ورودها. وم تاني وعودها
.ايدك حواليها. لففها
وامسح دموعك ياجدع
وخليها. جمل ايامها
وحليها
وعلمهاالصبر مش الجزع
وازاي تميز
بين تغريد. عصفور
وبين عقرب. لدع
وان كان حيط المرؤه
مال وشقق وانصدع
مالك انت
طبطب تاني ع نفسك
قوم واقف
ورا ضهرك ارمي السخف
واصلبه
وال عدي ماضي وتحف
وخليك زي. ماانت
واد. جدع
ليست هناك تعليقات:
إرسال تعليق