(..الوشوش..)٢٩٢
ف الا. ثانيه
تقلب وشوش
مره بطيبه
ومره بخيبه
ومره.كشره
وتبقي وحوش
وازاي. بتبقي
راسمه .لبسمه
واوقات طراوه
في الحر نسمه
وهي ناويه
لحاجه راسمه
انهم مايرحموش
لابسين
لكل حاجه وش
وش. غدر
وش ضحكه
ووش غش
ووش ياخد
ف الغباوه
الف جايزه
يفوز يؤش
بقت وشوش
علي كل لون
وش ابيض
ووش اسود
ووش حاطط
علي وشه بويا
عشره. لتر
و كام جالون
تعبت توهت
وفين الحقيقه
لا سكه شايف
ولا. طريقه
اخرتها .عوجه
وبقيت ف ضيقه
ماشي. ادور
وسط الوشوش
عمال أفتش.
فين الحقيقه
.جو العشوش
دي نن اخضر
وده نن عسلي
ودي.ضحكه صفرا
وماعدش اصلي
كله. صناعي
حتي الرموش
شفولي. وش
فيه. السماحه
صريح حقيقي
يوحي براحه
ع الفطره لسه
وبدون. رتوش
تعبتوا. قلبي
وعايز جراحه
وآه. يا دنيا
حلق. وحوش
طب.هما ليه مابيرحموش!!!
ليست هناك تعليقات:
إرسال تعليق