( عبايط. )٢٩٣
شايفك ياولدي زايط
وحاوي لنواح وعايط
اعقل يا ولد العبايط
عمال تترقص وعايش
ونخلك خاوي السبايط
شايفك ياولدي مخاوي
عمال ...تلملم. وناوي
تنفخ ..بنارك ف بيتك
قال ايه وعملي حاوي
اهدي يا ولد العبايط
فقرك محاوطك وحايط
وانت مبهلل ماحاسس
حريق ف بيتك وشايط
غاوي تطفي ف وابورك
وعلي البلاطه دارك
وتجري بسرعه لطابورك
لا عيشه.ولا آيده نارك
واشتقت اللقمه حاف
ماانت ال هاجر ماجورك
والتعب منك اتملك
والحلوه واقفه ف زورك
والصبر طافش وملك
وغاوي لطعم المرار
أدمنت كيفك وزلك
عميلك كيف الصغار
ارجع يا ولد العبايط
ما عمري يوم حرمتك
ارجع وبلاها شمه
هبشت منك كرمتك
مرهوق ولعادش همه
لا مني ولادي خامتك
بعت عشانك تيابي
راحت دروسي ونيابي
قلقي زاد وارتيابي
ربي يهديك ياولدي
وربي يخفف حسابي
لساك ياولدي زايط
غاوي لنواح وعايط
ارجع لعقلك ورشدك
أهدي يا ولد العبايط
ليست هناك تعليقات:
إرسال تعليق