(..رغايه..)٢٨٧
وناس عشمانه بالجنه
وبتعمل... عمايل النار
وماشيه تزن ميت زنه
وكل الخلق منها احتار
تروح تحكي وليك تبكي
وجواك ..يدعي ياستار
تقول معلش وتطبطب
تلقي نفسك من الا شرار
شرار يمسك ف هدماتك
وماينوبك الا كدماتك
تعد ساكت ومسهم
تلوم نفسك وخدماتك
وعليك تاني فجأه. يهل
في عز الضهر
ومن غير ضل
ويقولك صحيح وانا اسف
انا قولت اكسر برغي المل
تقعد ساكت وكاتم الغل
دماغك نار وعضمك حل
تشوف نفسك ف كل مكان
علي الارفف وف الدكان
وبتتباع هناك سيرتك
وروحت بقيت ف خبر كان
تقابله تقوله دي امانه
يقول ....آسف لساني زل
عجنه زاد مني فيها الخل
يارب اخرص كمان واتشل
ترد... انت تقوله يارب
ياعم اللت مايجوزش
ولا يزحف ولا يمشي
روح صلح بقي حالك
وتوب وبسرررررررعه
ماتنمشششششششي
........والله كريم
ليست هناك تعليقات:
إرسال تعليق