(..وشك..)٢٨٦
ياواد فارق بقي النومه
وروح واغسل بقي وشك
وخد بالحضن للقومه
وغير من زغب عشك
ولا عجزت وراح ريشك
تقع تتكفي من غشك
ومين قصقص ياواد ريشك
ومين جالك ف يوم هشك
وخد من عشك البسمه
وبداء الهموم رشك
ياواد اصلب بقي طولك
ياواد انت مفعول به
ولا مره شوفت مفعولك
واخرك تحكي وتمتم
ورغي تعبت من دشك
وفين صوتك وفين قولك
ويدوب ماش بتسند
وسكنك رعب من غولك
لايجي سهمه وينشك
نصيب ربك كتبهولك
ولو الموت سكن قلبك
ما تسمعني يوم صوتك
وصاحب الخيبه ولكشك
وماتعمليش نسر جسور
وموت نايم بقي ف عشك
او نط من فوق الشجره
ويبقي ارتحت من وشك
ليست هناك تعليقات:
إرسال تعليق