(..قنديل..)٢٨١
عارفه يامه كنتي ايه
كنت كم .
كنت بير غطسان فيه هم
..كنت صدر
كنت دعوه لخير وندر
يحن يضم
من غير وجودك
مايحلا لم
ولو في تيه
كنت غيث بجري عليه
كنت انت ال تقولي
اخوك ياواد
خلي بالك بعد مني
من الوداد
كنت همس
كنت لمس ...لكل جرح
يخف من طول البعاد
كنت يامه حاجات كتير
كنت صبح
كنت فجر
يصحي يشقشق يمحي غدر
كنت بالنسبه لي بدر
لما اشوفه
وابوس كفوفه
يبقي يومي كله رزق
اصلي كنت
سبحه ومسك
كنت دعوه
تبعدني عن أي فسق
تدعي ليه واقول امين
كنت مين
كنت كل صلاه في حياتك
ابقي سامع لهمسك بيدعي
.دعوه.لرب العالمين
واسالك بتدعيلي يامه
تقولي امال بدعي لمين
يجعل دعايا من نصيبك
بس انت قول امين
كنت الناصح ألامين
كنت يامه شمس وضل
كنت خل
لما ازعل ولا اكون
ساكت سكون
كنت تقولي ياواد مالك
مش عوايدك
عمال تمصص
في شفيفك تقول لمون
ياولدي كله يهون
هو انت حد مزعلك
طب ايه ف بالك
ومين سارق ضحكتك
وبالهم جالك
طب يله حضرت العشا
عامله كل ال تحبه
يامشمشه
واسمع كلام وكم م الدلع
انا مشمشه!!
ايوه ياواد
في حد غيرك فاكهتي
يملا حياتي ودنيتي
كنت يامه بالف قلب
كنت يامه بالف ايد
كنت رحمه بعتها رب
كنت قنديل في بيت يأيد
بعد منك مش بعيش
اصلي بعد منك
ياامي..ف الدنيا
. والله مفيش
ليست هناك تعليقات:
إرسال تعليق