(..ترند..)٢٤٩
قالوا دي اغاني و ترند
ويهمنا رأيك يافرند
اسمع يله وقولنا رأيك
من غيرحقد وغيره وعند
طب سامعني
خلتي ام احمد جابت الباميه
وجابت شطه وكانت حاميه
وهاتطبخها
آم جالها ال خابط ف نفوخها
.بعد الباميه ..ما دخلت بيتها
طلعت ياي شريره ..شوكتها
مع ان الشطه كانت م الهند
قولي ايه رايك يافرند
مش حقها.. تبقي ترند؟
قولت يا صاحبي بعد سماعها
قول ع الفن باي وذا ..اند
طب اسمع دي وبطل عند
سامع صوت قطط ومواء
وقطه تايه.. اسمها شيماء
اصلها كانت تايهه في بنها
وجانا يدور في الوراء
لسه هاقول ايه يا فرند
برده القطه كمان م الهند
قولت عزيزي ارجوك واعذرني
اصل وداني قالت لي ذا اند
وطلع يجري زي المجري
وجاب اغنيه وبصوت غجري
فجأه لقيت واحد بيقولي
انتش واطلع يله..واجري
وعمال ينهج ويقول رأيك
اصل يهمني رأيك يافرند
قول بصراحه ومن غير عند
اصل الفن عايز بهارات
روحنا وجبناها من الهند
قولت ياصحبي بعد فنونك
وبدون أي غيره او عند
احنا نقول للفن سلامتك
ونقول لل سمعته سلام
ولا اقولك
هي ترند ...وانت فرند
وانا هاقول للفن ( ذا اند )
ليست هناك تعليقات:
إرسال تعليق