(خلطه ستي. )٢٤٠
خلطه ستي
كانت سر وحاجه عجيبه
كان مقاديرها
حبه حب ...وحبه رضا.. وكتير م الطيبه
مفعول السحر
تزيل الهم...... وتبعد كل حاجه مريبه
بعد ...ماجدي يجي محطب
يلاقي ايد ع الضهر تطبطب
وتقول عاش
احنا يا سبع بعد منك والله مانسواش
هاتي يابت
الاكل لابوكي ولا استني انا ال هاجيبه
طعم السكر
بيدوقوا قلبي لما حبيب بيلاغي حبيبه
انا هاعملوا الشاي بأديه واشرب بعده
شويه مكانه
اصله ف قلبي ومن سكانه
يجعل دعوه قلبي نصيبه
وشويه بسمه علي مقدار ضحكه
يروح كل تعب السبع وشيبه
هي النسمه وراسمه لبسمه
تجيب الفرح من تلابيبه
ومحضره مقدار حنيه
وتدوبهم في شويه ميه
وتقعده ع كرسي تجيبه
وهات رجليك ....وتدعك وطبطب فيهم
وعم السبع تسلم ايدك ويخليكي
ويزول تعبه بعد ماكان مخاويه وقريبه
وشايله ليجي كام ضحكه
جواها للسبع تهيبه
والمقادير جواها محفوظه
ازاي تعمل خلطه تحل البركه
وازاي برده تكون محظوظه
وازي تخلي السعد نصيبه
اصل دي ستي كانت ع البركه
وكانت لسه الدنيا مباركه
صانت بيتها وصانت غيطها
حامده وشاكره وايه هايعيبه
وراحت. ستي وراحت البركه
وخدت وياها سر الخلطه
ودي ال مفقودة وسط التركه
ليست هناك تعليقات:
إرسال تعليق