عطشان
عطشان للمحبه
عطشان للوفا
ليه كل شيء جميل
في حياتنا اختفى
***
عطشان للحنان
عطشان للأمان
ياريت في كل مكان
نلاقي حب زمان
والقرب والدفا
***
الحب بيننا فين
بقينا ليه قاسيين
على بعضنا قادرين
ديما متفرقين
ولاعاد صدق وصفا
***
ياناس فيه ايه جرالكم
ايه اللي غير حالكم
الشر عبى قلوبكم
والود ضاع من بينكم
بالقسوه والجفا
***
الدنيا دي ماتسواش
على حالها مابتبقاش
ياما قبلنا فيها عاش
وخرجو منها بلاش
في القبر كله اتنفى
***
ياريت ياكل الناس
الشر دا ينداس
نعيش سوا باحساس
والحب يبقى اساس
في قلوب متألفه
•••
كلمات
شاعر الإحساس
رضاعبدالحميد
ليست هناك تعليقات:
إرسال تعليق