السبت، 18 مارس 2023

استحملنى/الشاعر محمود عفيفى مجلة روائع الشعر والنثر وفرسان الحرف

 (..استحملني..)٢٤٦


حاول تفهم

واعرف اني بحاول اعيش

ليه.... وازاي ؟

استحملني... متسألنيش

اصل انا كام حاجه و حاجه

ممكن فجأه تروح متجيش

وجمله ومتجمعه ف دباجه 

حرف بحرف معاه رح اعيش

حرفي اتمني السطر وناجه

سطور كانت لناس دراويش

يوم تيجي هنا وبكره هناك

طب فين..؟..لسه بتسأل 

استحملني.. متسألنيش

جوه كلامي برده كلام

جوه علامي م الدنيا علام

كل درج في السلم شوفته 

وجات اللحظه وقولت سلام

فوق..انا عشت وكنت بطير

ولومت عليه وشبعت ملام 

وتحت.... وشوفت دموع قناطير

كان م الدنيا ناقصني علام

قلبي ا تكلم مره وقالي 

خف عليه ده كله كتير

كله مآسي.. مبتجليش

يوم كام بوسه تكون علي خدي

ونفس الخد يوم تاني تلطيش

استحملني... متسألنيش

دي سطوري وهي ونيس

كنت كاتبها زمان كراريس

واكتب واشطب واشطب تاني

مش مجنون ولا م الملاحيس 

ممكن اكتب آه واسيبها

اكتب برده فرح ميجيش

وتنام عيني وفكري ما نام

وساعه عيني ماتغمض رمشي

اصحي... وامشي

واروح ...ولا جيش

اصل انا عاشق وصديق لليل

رغم  ارق.. ومصاحب ويل

وش ف ودني فرح وعويل

وفجأة تشوفها تقول مووايل

وفجأة بترسم  ف الكرانيش

واني اغمض لو لحظه

 تغضب عيني تقولي مفيش

لكن  راضي بكل حياتي

جوه الآه ..ونعم ..حكياتي

تحكي تقولك اني بعيش

خطوه بخطوه بقت بشويش

 عايش كل الماضي بعبله

وكل الحلم مع الدراويش

استحملني.. ومتسألنيش


ليست هناك تعليقات:

إرسال تعليق