( اتشعلق..)٢٤٥
اشرخ ..وارفع.. ايدك .فوق
وامسك نجم السما وبيدك
وأخرج راسك من كام طوق
وماتخليش الحزن يهد ك
واشخط فيه وبصوت عالي
وقوله تعالي و ان انا ندك
واوعي تسلم.وقول واتكلم..
.وهد عروشه
قبل مايجي عليك ويهدك
احلم واكتب. اسمك حرف بحرف
انسي الظرف
وماتهوبش نواحي الجرف
وابعد حزنك من حواليك
واطلع فوق
رص كل همومك واعلي لفوق
وامسك نسمه اتشعلق فيها
خليها .تخدك وتوديك
فوق خوفك وتعديك
بعيد.... لناس تهديك
تسمع منها بهمس يقولك
هاتلي فرحه ليا ....وليك
روح ..طير تاني .ويا النسمه
خليها حضنك.... يمكن قسمه
ترسم رسمه
تكتب اسمك حرف بحرف
تطلع فوووق..
تخرج روحك بره الطوق
تنزل. مره.. وتطلع ...مره
طب روح هات من اي مجره
جمع كل حروف لحروف
تمسح من علي وشك خوف
واكتب تاني ولا تشطبش
وارسم وش بشوش مايخافش
علم قدمك علي كل الرمل
اديله امر
لو سأل مره عليك الموج
يقوله يفوق
وقوله الروح خرجت م الطوق
وامسك تاني النسمه
اتشعلق ..فيها
وأطلع فوووق...
...............اطلع فووووق
ليست هناك تعليقات:
إرسال تعليق