مصري. ١٩٨
شرف ليا وأكيد حصري
جدودي فراعنة وأنا مصري
وأنا دولة وقبل الكون
وف التاريخ سابق عصري
وعلما درسوا علمي
وكان سابق هناك قلمي
طلاسم سكناها حيرة
شواهد سكناها هممي
أنا المصري صاحب حيلة
مايفرق نسبي و قبيلة؟
مانا مواطن وفيها قاطن
وعشنا والبشر عيلة
هم جنسي وجنسيتي؟
بطاقتي فيها أمسيتي
وفيها رقمي مع رسمي
وفيها قولي وحديتي
مواطن والورق رسمي
لا أنا صعيدي ولا بحيري
ولا نوبي ولا مطيري
وبيغرد هناك طيري
(بلاد العرب اوطاني )
وما جميعي وقحطاني
يا ناس الرحمة لوداني
بقيت سامع كتير نعرات
لكام شبر ف أوطاني!
مابين دلتا وبين قبلي
وكام نعره وكام اراجوز
بقي حالي بيضرب بوز
يقولي روح كتك نيلة!
مفيش حزب تقول منه؟
مفيش قبيلة تقول منها؟
وتعوج باللسان قولك؟
ده حالتك واقعة وهزيلة!
لاروحت ولا منك جيت
ماسك قولك مفيش اسراف
قول إنك من الأشراف
ومن سلالة أهل البيت
أو اكتب إني أسيوطي
سويسي ولا بمبوطي
وتبقي حاجة للذكري
طب أقولك ع فكرة!
قول ان إنت فرشوطي!
وخليك ف السليم تسلم
وقول يا رب ليه ناجي
يااااه.. اكتبها سوهاجي
ولو غاوي وهواك ناوي؟
ياريت تكتبها قناوي
وقليوبي ع منوفي
وغرباوي ودقهلاوي
وم الجيزة وبحراوي
وسويسي اسمعلاوي
بورسعيد ومنياوي
وم الوادي ومحلاوي
وبعشق لربوع بلدي
ومن طيبة وزمهلاوي
اكتب كل ده كله
وقبليهم.
يا خلق ياهوووووه
أنا مصري ابن مصراوي!
ليست هناك تعليقات:
إرسال تعليق