من اكون! ١٩٤
انفطر دمع العيون
والدموع صبحت تهون
مني وقعت غصب عني
والسؤال انا مين اكون!
حيره مسكاني وجزت
ع السنان طقت وفزت
والبكا. لبكايا. باكي
والسعادة بعدت وعزت
و ال ساكني الظنون
من اكون!
مش مصدق للشايفه
كام حزين مصمص شفايفه
اصله جنبي كان ف نعمه
زاد بهم لهمي ضايفه
خبط ع روحي وبقوله
انت مالك!
انت مرزق بالمهالك
ولا انت ماخدت بالك
ليه مخاصمك بس فالك
كام مصيبه ف قلب شالك
ربي ليك يكون ف عون
وخلي بالك!
بس كون
ليست هناك تعليقات:
إرسال تعليق