أولاد حارتنا! ١٩٣
الظلام سكن شارعنا
والفرح فارق وباعنا
والوشوش ف دنيا تانية
حتى يومنا مش بتاعنا
والبيوت صابها السكوت
والتراب ماطلع له صوت
كل حجر ف حارتنا كشر
تشوفه تحس إنه موت
رعب ساكن ف النواصي
نظرة وف العيون مآسي
هس هس.. كهف ضلم
ساكنه ضبع مصاحبه حوت
خطوتي سامع لصوتها
هي بس الونيسة
خطوة تانية مش شايفها
والليالي بقت كبيسة
والحيطان بقى لونها سود
والبيبان ع هجر قافلة
بسمة هجرتها وحزينة
جه وصابها ألف غفلة
وعنكبوت ناصب لزينة
والثواني غبية سافلة
انعدم صوت الوجود
صاب محمد صاب لرفلة
بس شمس بكرة جاية
تحيي فرض وتحيي نافلة
والقمر هايزين سمانا
والنجوم تنصب لحفلة
ترسم البسمة عيونا
بسمة لكل الخلق كافلة
تفرح الحارة وتفتح
لبيبان حزنت وقافلة
يرجع الشارع شارعنا
يندم اللي راح وباعنا
تسعد الخلق وتفرح
كام صبي وجد وطفلة
ليست هناك تعليقات:
إرسال تعليق