(..صدمه..)٥١٥
ايه ياعني!!!
.......تقابل لكام صدمه
ولا تسلم.....وتتعلم
تقع وتقوم واقف تاني
قبلك قابل ف دنيته لعضمه
وآه ف صمت ماتكلم
ودون الناس يعضه الكلب ف المولد
وحقوقه تاكلها ناس
.ومعدتها للحرام قابله
.ماناس هابله
وكل السحت ليه هاضمه...
لانافعاهم . ولا شافعه.
ولا حتي محصله سابله
قوم وانفض الهدمه
.وخيط جرحك
خيطك ف ابره الزمن لاضمه
واكيد هاتقابل لناس سكر
وناس مالحه. وناس فالحه
تخلي كل الأمور عادمه
امشي. وخطي ع الواطي .
.ولا تهاوده ولا تطاطي
ولاتمد إليه ايدك .
.ده ربك واحده العاطي
واطلع من كل بياره
وقعت فيها وف غافله
ولو رحمه البشر شحت..
.بيبان ربك مايوم قافله
وصفي الذهن من همك..
.ومن غمك. ولايهمك
من زرع في أرضك شوك
وجه وسط العسل سمك
سيبك منه ومن تاني
وتاته وغير العتبه.
.وراعي ان فيه ربك
.وراعي ان فيه.كتبه
وعيش واكتب ف الصفحه
واقلامك للقديم شاطبه
وطول العيشه هاتقابل لكام واقعه
.تعديها. غيرها ليه أثر. بقعه
وزي امك وزي امي
ترميها.تاخد غلوه ...
ووسط الدنيا تاخد ناقعه....
وعيش وارمي وري ضهرك..
وهات سعدك بدل اهرك
ولوتحلم. تجيب مهرك..
هايجي. وتحس بدفي وعيشه
ولو كل الحيطان ساقعه
مهيش واقعه
وماتسلم. وتقول صدمه .
.هاتيجي فرحه تروح رادمه
وتقف تاني... وم الاول
و تلقي الدنيا. من تاني
ليك ضاحكه. وتقولك
شبيك لبيك ملك اديك
وليك خادمه
بقلم/محمود.عفيفي دومه
ليست هناك تعليقات:
إرسال تعليق