السبت، 13 أبريل 2024

ميسرنا نعود/الشاعر محمد وحيد مجلة روائع الشعر والنثر وفرسان الحرف

 مسيرنا نعود

…………......

وربنا المعبود

خافوا منا ومن رمضان 

افتكرونا هنبقى اسود

وحنرجع تانى زى زمان

ونشقلطهم عاد في ثمود

وإن الأرض.... هتولع نار

وإن زتونا... طرحه بارود

فرسان وجحافل فرسان

أو نسخطهم يبقوا قرود

وما كنش ابداً فى الحسبان

إن وجودنا….. مش موجود 

كانوا واثقين أن ف رمضان

يبقى مصيرهم بطن الدود

..

بس خدعناهم…... وعرفناهم 

معنى كلمة كوول….. وبروود

وصلحنا….. الفكر المغلوط

اتخدعوا……. بجد ياجدعان

فهموا….. من شيوخنا زمان

انتصارتنا…. بخير رمضان

نكسب اى حروب ف الكون

ولو حربونا…. ملوك الجان

وإن حياتنا….. فدا الأوطان

وإللى يمس… شعرة عربى

اسمه حيصبح فى خبر كان

وإن سكوتنا…. يبقى هوان

ودم ولادنا… اغلى ما نملك

وإن حريمنا… لازم تتصان

….

فهمناهم………..…علمناهم

ينسوا زمان… وحكاوى زمان

والفكر الإسلامي….. المغلوط 

ويمحوا تماماً م الأذهان

إن جدودهم……. كانوا قرود

وإن البوذى والحنتوسى

دينهم عادى من الاديان

وجوه عنينا……. احفاد لوط

وحنعلمهم……. ايه رمضان 

رمضان ....

مش حرب وضرب 

وصبر ونصر

..

رمضان ....

بقى كفته وطرب 

وأكل ونوم

كل حياتنا جديد في جديد 

طيبين على طول الخط 

ومسامحين مالناش فى العط

إحنا ف حالنا ومتساهلين

وإللى شاغلنا…... بوز البطه

وبنت الايه…. وعيونها السود

وبنأجر مراجحنا فى طنطا 

والاهرم مع بير مسعود

ولا يشغلنا….. جهاد ونضال

احنا الجوده……. بالموجود

شهر جميل….. ايامه طوال

كرمه حدانا….. اسمه الجود

مالناش دعوه…. باللى بيجرا

سد وحد…….. حدود وسدود

إللى شاغنا…... وشاغل بالنا

نفخ شفايف…….. شد خدود

بس سيبونا انتوا ف حالنا

إحنا رضينا……. بالموجود

وعرفناهم…… إيه رمضان

رمضان 

خيمه وشيشه كمانجه وعود

..

واغاني تتغنى فى ثانيه 

اسمع منها……

رمضان عشنكوا حاجه تانيه

هيصه ودلع للناس 

فطار سحور بيض ولازانيا

فروته بالاناناس

حمام وكباب طاجن باميه 

فته ولحمة راس

وكمان هناك اخر الدنيا

مقلوبه بالكسكاس

.. 

رمضان عشنكوا حاجه تانيه

رمضان بطعم التوت 

بقينا ف دنيا غير الدنيا 

سهر وشحن كروت

ورامز يجيب اى كروديا

يديلوا ١٠٠ شلوت

إحنا بقينا حاجه تانيه

بجد بقينا كيووت

..

عزومات وزحمه فى الشارع 

مندى طواجن وكوارع 

وكنافه بورمه وصوابع

وهو ده الموجود

.. 

خلاااااااص……!!!!!!

عرفتوهم…. إيه رمضان 

يعنى عرفوا الكود

احيه ياابو سوسو احيه 

تفكيرنا ليه محدود 

وطريقنا ليه مسدود

احيه ياابو سوسو احيه 

حزامنا ليه مشدود

وطعامنا ليه بقروض

احيه ياابو سوسو احيه 

الذل بقى مفروض

وألحق ليه مرفوض

احيه ياابو سوسو احيه 

ده تاريخنا كان مشهود

وجدودنا كانوا اسود

ويبقى ده الموجود …..؟؟؟

احيه ياابو سوسو احيه 

من الاخر…….#

مهما اتشقلب حالنا

وعملوا مابنا حدود

وخسرنا معاهم مالنا

لازم فى يوم حنعود

بأدينا تعود امجادنا 

وشرق وغرب نسود

…..

بحلف……… بكل ايمان

وربنا………… المعبود 

حيطلع……… منا اسود

ويجي…….. يوم مشهود

ماليكوم…..… بنا وجود

وحتبقوا…... عاد وثمود

وساعتها…. مين يحميكم

ويتحقق….…. الموعود 

انتوا…… واللى حاميكم

حتبقوا تانى…..… قرود


      محمد وحيد


ليست هناك تعليقات:

إرسال تعليق