( فلاش . )٥٢٩
كل الحكايه مكتوبه ع دراعنا
وصوتنا عالي والكل سامعنا
احنا ال روحنا بجروحنا لأطبا ...
لا شوفنا حنيه ولا ومن الدوي حبا
الدنيا دايره وعندنا وماشيه
راحه مصاحبه
ليها ناسها وليها حاشيه
وبعد رمح ماطولنا ولااشيا
وخلق راكب يخوت ع مراوح
فوق السرير تكعيب عنب طارح
وخلق جاريه...ماداريه
انها ماشيه
اوقات كتير بخبط ع صداغي
مين انا... ولا انا قديم لاغي
طبعه قديمه مرسوم عليها الهم
امتي اشوف اخضر مرسوم عليه العم
طب ادوني زقه
واهي ف الجدعنه.. دقه
وبلاش يالاءه تسمعك ودني
برهوم حبيبها سافر يجيب المهر
راح غاب وداب وهي انقسم الضهر
والضهر عاب وجاب أوحش مافينا
مع ان راح حلمها راكب ع سفينه
لساها حافظه ومحاوطه ع عهده
يمكن يجيها ويوفي يوم وعده
عايشه بتحلم واخر حلمها كام تووووت
مش داريه ان حلمها مات من امبارح
وقال سلام والحلم بلعه حوت
وباقي الحلم.لساه هايم سارح
حبه حلاوه راضيها م طرف لسانكوا
لو حتي قالب سكر واكني انا
حصانكو
خلوها صدقه ..وبجمله الرسمه
ياخلق ايه ...هاتوا كمان بسمه
خليك فاكرني يابيه...
اوعدني.. بكام ضحكه
وعدني. ف رعاياك بنصيبي ف القسمه
عدي يا هانم أيدي ع عيني
مدلي. حالا وياريتني. مادليت
فين ال سترك. وسبعك فين وريني
بياع فرسكا ومارضيت ولاحايس
مابيع انا غزل البنات ..مايص
فينك ياقطر روحني وديني
خدني .ياقطر
افر انا بديني
ليست هناك تعليقات:
إرسال تعليق