( فارس. )٥٢١
عامل فارس كمان مغوار
ونفسك حلوه وعفيفه
وانت ضبع وسط احراش
ومتربي ع الجيفه
ومناخيرك رافعها لفوق
وحواجبك سبعه و مخيفه
وتكشيره بتأشيره
سموم ترميها تحديفه
ياعم الدنيا مش دايمه
ومتآمن تكون عايمه
ولو عملت ف يوم نايمه
وصحيت وذاعت سرك
فضيحه وليها تشريفه
ياعم ارسم البسمه
ياعم خليك خفيف نسمه
وخلي كلامك حلو وزين
ع حيطان الزمن راسمه
لضحكه عاليه ولطيفه
وحافظ ع الجميل صونه
وصاحبك عاشره ماتخونه
وانسب الفضل لاهله
وروح خلي الانا ضعيفه
ولو حبيت تكون فارس
خليك فارس
مفيش للنبل لمدارس
وكلنا فيه بنتساوي
سواء. امي
اوحتي للعلوم دارس
وعجبي !!
بقلمي/محمود عفيفي دومه
ليست هناك تعليقات:
إرسال تعليق